Jazdyń alǵashqy kúninde aýa temperatýrasy 40 gradýsqa deıin kóteriledi
ASTANA. KAZINFORM — 1 maýsymda Qazaqstannyń 17 oblysynda, sondaı-aq Astana men Almaty qalalarynda aýa raıyna qatysty eskertý jarııalandy, dep habarlaıdy «Qazgıdromet» RMK baspasóz qyzmeti.
Astanada 1 maýsymǵa qaraǵan túni azdaǵan jańbyr, naızaǵaı, kúndiz jańbyr, naızaǵaı jáne burshaq kútiledi. Soltústik-batystan soǵatyn jel kúndiz soltústik-shyǵysqa aýysyp, ekpini 15-20 m/s bolady.
Almatyda 1 maýsym kúndiz aptap ystyq 35 gradýsqa deıin jetedi. Qonaevta kúndiz aýa temperatýrasy 36-38 gradýsqa deıin kóteriledi. Іle Alataýy taýlarynda (Almaty qalasynyń Medeý jáne Bostandyq aýdandarynyń taýly aımaqtarynda) kúnniń ekinshi jartysynda azdaǵan jańbyr men naızaǵaı kútiledi. Ońtústik-batystan soǵatyn jeldiń ekpini kúndiz 18 m/s bolady.
Almaty oblysynda azdaǵan jańbyr men naızaǵaı boljanady. Ońtústik-batystan soǵatyn jeldiń ekpini oblystyń taý bókteri men taýly aýdandarynda kúndiz 18 m/s-qa jetedi. Kúndiz 35-38 gradýsqa deıin qatty ystyq kútiledi. Oblystyń soltústiginde joǵary órt qaýpi saqtalady.
Atyraý oblysynda kúndiz óńirdiń soltústigi men shyǵysynda jańbyr, naızaǵaı kútiledi. Túnde jáne tańerteń oblystyń batysynda tuman bolady. Ońtústik-batys jáne batys jeli oblystyń shyǵysynda 15-20 m/s deıin kúsheıedi. Atyraýda 1 maýsymǵa qaraǵan túni jańbyr men naızaǵaı bolady.
Qyzylorda oblysynda jańbyr men naızaǵaı kútiledi. Soltústik jel batysqa aýysyp, oblystyń ortalyǵynda ekpini 15-20 m/s-qa jetedi. Oblystyń soltústik-shyǵysynda joǵary órt qaýpi, al batysynda, soltústiginde jáne ońtústiginde tótenshe órt qaýpi saqtalady. Qyzylorda qalasynda 1 maýsymda keı ýaqyttarda jańbyr men naızaǵaı bolady.
Mańǵystaý oblysynda jańbyr, naızaǵaı, burshaq jáne keı jerlerde qatty jańbyr kútiledi. Soltústik-batystan soǵatyn jeldiń ekpini kúndiz oblystyń soltústik-shyǵysynda 15-20 m/s bolady. Oblystyń soltústiginde, shyǵysynda jáne ortalyǵynda joǵary órt qaýpi, al soltústik-shyǵysynda tótenshe órt qaýpi saqtalady.
Jetisý oblysynda jańbyr men naızaǵaı kútiledi. Alakól kólderi aýdanynda ońtústik-batystan soǵatyn jeldiń jyldamdyǵy 15-20 m/s, kúndiz ekpini 23-28 m/s bolady. Kúndiz qatty ystyq 35-38 gradýsqa jetedi. Oblystyń ońtústiginde joǵary órt qaýpi, al soltústigi men shyǵysynda tótenshe órt qaýpi saqtalady. Taldyqorǵanda 1 maýsym kúndiz aýa temperatýrasy 35-37 gradýsqa deıin kóteriledi.
Aqmola oblysynda jańbyr, naızaǵaı, oblystyń ońtústiginde azdaǵan jańbyr men naızaǵaı kútiledi. Kúndiz oblystyń batysynda, ońtústiginde jáne shyǵysynda jańbyr, naızaǵaı jáne burshaq bolady. Soltústik-batys jeli soltústik-shyǵysqa aýysyp, ekpini 15-20 m/s bolady. Oblystyń batysynda joǵary órt qaýpi saqtalady, shyǵysynda joǵary órt qaýpi kútiledi. Kókshetaýda 1 maýsymǵa qaraǵan túni jańbyr men naızaǵaı bolady.
Jambyl oblysynda jańbyr men naızaǵaı kútiledi. Ońtústik-batystan soǵatyn jeldiń ekpini kúndiz oblystyń ońtústik-batysynda, soltústik-shyǵysynda jáne taýly aýdandarynda 15-20 m/s, ekpini 23 m/s bolady. Kúndiz oblys boıynsha aýa temperatýrasy 38-40 gradýsqa deıin kóteriledi. Oblystyń batysy men ortalyǵynda joǵary órt qaýpi kútiledi. Tarazda 1 maýsym kúndiz jańbyr men naızaǵaı bolady. Jeldiń ekpini 15-20 m/s-qa jetedi.
Qaraǵandy oblysynda jańbyr men naızaǵaı kútiledi. Ońtústik-shyǵys jeli soltústik-batysqa aýysyp, oblystyń batysynda, soltústiginde jáne shyǵysynda 15-20 m/s deıin kúsheıedi. Kúndiz oblystyń ońtústiginde qatty ystyq 35-39 gradýs bolady. Oblystyń ortalyǵynda joǵary órt qaýpi saqtalady, al batysy men soltústiginde tótenshe órt qaýpi saqtalady. Qaraǵandyda 1 maýsym tańerteń jáne kúndiz jańbyr men naızaǵaı kútiledi. Tótenshe órt qaýpi saqtalady.
Aqtóbe oblysynda keı jerlerde qatty jańbyr, naızaǵaı jáne burshaq kútiledi. Túnde jáne tańerteń oblystyń soltústiginde tuman bolady. Ońtústik-shyǵys jeli soltústik-batysqa aýysyp, kúndiz oblystyń ońtústigi men shyǵysynda ekpini 15-18 m/s bolady. Oblystyń soltústik-shyǵysynda joǵary órt qaýpi, al ońtústigi men shyǵysynda tótenshe órt qaýpi saqtalady.
Ulytaý oblysynda jańbyr men naızaǵaı kútiledi. Soltústik-shyǵys jeli soltústik-batysqa aýysyp, tańerteń jáne kúndiz oblystyń soltústiginde, shyǵysynda jáne ońtústiginde 15-20 m/s deıin kúsheıedi. Jezqazǵanda jańbyr men naızaǵaı bolady.
Túrkistan oblysynda ótkinshi jańbyr men naızaǵaı kútiledi. Soltústik-batys jeli ońtústik-shyǵysqa aýysyp, oblystyń batysynda, soltústiginde, ońtústiginde jáne taýly aýdandarynda 15-20 m/s, kúndiz ekpini 23-28 m/s bolady. Kúndiz oblys boıynsha aýa temperatýrasy 40 gradýsqa deıin kóteriledi. Oblystyń ortalyǵynda joǵary órt qaýpi saqtalady. Shymkentte kúndiz ótkinshi jańbyr men naızaǵaı kútiledi. Jeldiń ekpini 15-20 m/s bolady. Túrkistanda tańerteń jáne kúndiz ótkinshi jańbyr men naızaǵaı kútiledi. Kúndiz qatty ystyq 40 gradýs bolady.
Qostanaı oblysynda jańbyr men naızaǵaı, kúndiz oblystyń ońtústiginde jańbyr men naızaǵaı kútiledi. Túnde jáne tańerteń oblystyń batysy men soltústiginde tuman bolady. Soltústik-shyǵys jeli kúndiz oblystyń ońtústiginde 15-20 m/s bolady. Oblystyń ońtústigi men shyǵysynda joǵary órt qaýpi saqtalady.
Soltústik Qazaqstan oblysynda jańbyr, naızaǵaı, kúndiz burshaq kútiledi. Batystan soǵatyn jel oblystyń batysynda, soltústiginde jáne shyǵysynda 15-20 m/s deıin kúsheıedi, túnde keı ýaqyttarda 23-28 m/s bolady. Oblystyń soltústik-shyǵysynda joǵary órt qaýpi saqtalady. Petropavlda 1 maýsymǵa qaraǵan túni jańbyr men naızaǵaı kútiledi. Jeldiń ekpini túnde 15-20 m/s, keı ýaqyttarda 25 m/s bolady.
Pavlodar oblysynda jańbyr, naızaǵaı, burshaq kútiledi. Ońtústik jeldiń ekpini kúndiz oblystyń batysy men ońtústiginde 15-20 m/s bolady. Kúndiz aýa temperatýrasy 35-37 gradýsqa deıin kóteriledi. Oblystyń ońtústiginde joǵary órt qaýpi kútiledi. Pavlodarda kúndiz jańbyr men naızaǵaı bolady. Aýa temperatýrasy 35 gradýsqa deıin jetedi.
Batys Qazaqstan oblysynda jańbyr, naızaǵaı kútiledi. Kúndiz oblystyń soltústiginde, shyǵysynda jáne ońtústiginde qatty jańbyr, burshaq jáne daýyl bolýy múmkin. Ońtústik-batys jeli ońtústik-shyǵysqa aýysyp, ekpini 15-20 m/s bolady. Oblystyń batysy men ortalyǵynda joǵary órt qaýpi saqtalady. Oralda 1 maýsym kúndiz jańbyr, naızaǵaı, burshaq jáne daýyl kútiledi.
Abaı oblysynda kúndiz qatty ystyq 35-37 gradýs bolady. Oblystyń batysynda, ońtústiginde jáne ortalyǵynda joǵary órt qaýpi saqtalady. Semeıde 1 maýsym kúndiz aýa temperatýrasy 35 gradýsqa deıin kóteriledi. Shyǵys Qazaqstan oblysynda joǵary órt qaýpi saqtalady.
Osydan buryn ShQO-da jazdyń alǵashqy aıynda aýa raıy qandaı bolatynyn jazǵan edik.
