Jazdyń alǵashqy kúnderi 35 gradýs aptap ystyq bolady

ASTANA. KAZINFORM — Qazgıdromet sınoptıkteri 1-3 maýsym aralyǵyna arnalǵan úsh kúndik aýa raıy boljamyn jarııalady. 

Aldaǵy kúnderi Qazaqstannyń basym bóliginde aýa raıynyń turaqsyz sıpaty saqtalady.

Kóptegen óńirlerde qysqa merzimdi jańbyr jaýyp, naızaǵaı oınaıdy, jel kúsheıedi.

Tek elimizdiń ońtústik-batysynda ǵana jaýyn-shashyn jaýmaıdy.

Temperatýralyq fonǵa keletin bolsaq, jazdyń yqpaly barynsha sezile bastaıdy. 

Respýblıkanyń soltústigi men ortalyǵynda aýa temperatýrasy birte-birte joǵarylap, 17-27 gradýsqa jetedi, al eldiń ońtústiginde plıýs 27-35 gradýsqa deıin kóteriledi.