Jazdyq daqyldardy qýańshylyqtan saqtandyrýǵa ótinim qabyldanady

ASTANA. KAZINFORM — «Agrarlyq kredıttik korporatsııasy» AQ 2026 jylǵy maýsymǵa jazdyq daqyl egisterin qýańshylyqtan saqtandyrý polısterin sýbsıdııalaýǵa ótinim qabyldaýdy jalǵastyryp jatyr, dep habarlaıdy AShM baspasóz qyzmeti.

Baǵdarlama aıasynda memleket saqtandyrý syılyqaqysynyń 80%-yn sýbsıdııalaıdy, al fermer tek 20%-yn tóleıdi.

Saqtandyrý sýarylmaıtyn jerlerge (2 jáne 3 fazalar) júrgiziledi. Ótinim berý merzimderi óńirge baılanysty.

Máselen, Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Pavlodar, Soltústik Qazaqstan oblystary, sondaı-aq Abaı jáne Ulytaý oblystary boıynsha, dándi daqyldar — 2026 jylǵy 1 sáýirge deıin; maıly daqyldar — 2026 jylǵy 15 sáýirge deıin qabyldanady.

Almaty, Jambyl, Qyzylorda, Mańǵystaý, Túrkistan oblystary jáne Jetisý oblystary úshin dándi jáne maıly daqyldardy saqtandyrýǵa ótinim qabyldaý merzimi 2026 jylǵy 3 naýryzǵa deıin uzartyldy.

— Ótinimdi Kezekte.kz platformasyndaǵy AÓK saqtandyrýdyń onlaın júıesi arqyly berýge bolady. Jeke kabınette fermer egis alqaptaryn kórsetip, saqtandyrý kompanııasyn tańdap, shart jasasyp, saqtandyrý syılyqaqysynyń 20%-yn tóleýi qajet. Qalǵan bóligi memleket tarapynan sýbsıdııa túrinde saqtandyrý kompanııasyna aýdarylady. Baǵdarlama yqtımal qýańshylyq jaǵdaıynda agrarlyq sala ókilderiniń táýekelderin azaıtýǵa jáne jazdyq daqyldar óndirisiniń turaqtylyǵyn qamtamasyz etýge baǵyttalǵan, — delingen vedomstvo taratqan aqparatta.

Osydan buryn maıly daqyldardyń 90%-y elde óńdeletini anyqtaldy.