Jazdan beri másele kóterilgen qoqys alańy qashan joıylady
Osy jazda Jańa Adamdar Jetisu turǵyn úı kesheniniń aldyndaǵy zańsyz qoqys alańdarynda «TRASH FASHION DAY» sán kórsetilimin ótkizdi. Belsendiler men dızaınerler Astana shetine zańsyz ákelinetin jáne tastalynatyn qoqystan tigilgen kıimderdi usyndy, dep habarlaıdy Kazinform.
Ekologııalyq aktsııa qaldyqtardyń jınalýy men lastaný máselesin kóterdi. Artynsha qala bıligi men Esil aýdany ákimdiginen reaktsııa da boldy. Aktsııaǵa jaýap retinde ákimdik Jańa adamdarǵa polıgondy joıýǵa ýáde bergen.
«Qala bıliginiń bergen ýádesi jasalǵan jumys kóleminen múldem ózgeshe. Sheneýlikter bizdi de, elorda turǵyndaryn da aldaýǵa tyrysatyn sekildi. Al tazalaýdyń ózi tek qaǵaz júzinde atqarylǵandaı», - delingen habarlamada.
Sán kórsetiliminen keıingi kúni aýmaqty tazartý jumystary bastaldy. Alaıda úsh aıdan astam ýaqyttan keıin polıgon áli de ornynda tur jáne qorshaǵan ortaǵa da, qala turǵyndarynyń densaýlyǵyna da úlken qaýip tóndiredi. Jumystar tek shekteýli aýmaqta, dál sán kórsetilimi ótken jerde júrgizildi. Biraq bul jerdiń aınalasynda qoqys odan da kóbeıip jatyr.
«Sheneýlikter óz mindettemelerin oryndap, qalamyzdyń halqy men ekologııasyna qamqorlyq jasaý úshin taǵy qansha shaǵym men jarııa aktsııalar qajet? Biz qaıtadan ákimdikke jáne qala bıligine habarlasyp, zańsyz qoqys úıindisin alyp tastaýdy talap etetin bolamyz. Siz halyq úshin jumys isteısiz. Olardyń máselelerin sheshetin ýaqyt keldi!» - dedi Jańa Adamdar belsendisi Baýyrjan Amanov.
Posmotret etý pýblıkatsııý v Instagram
