Jazda tumaýdan qalaı saqtanýǵa bolady
NUR-SULTAN. QazAqparat – Qazaqstandyqtarǵa jazda tumaýmen aýyrmaý úshin birneshe keńes berildi, dep habarlaıdy QazAqparat.
Tamaqtyń qabyný aýrýlary qysqy ýaqyttan góri jazda jıi kezdesedi. Sebebi ystyq aýa raıynda sýyq sý ishý, balmuzdaq jeý nemese kondıtsıoner astynda otyrý jaǵdaılary jıi bolady.
Osy rette, Mindetti áleýmettik medıtsınalyq saqtandyrý júıesiniń Facebook-paraqshasynda ystyq kúnde tumaýratyp qalmas úshin birqatar keńes berilip otyr:
1. Temperatýranyń kúrt ózgerýi – aǵza úshin stress. Bólme temperatýrasy 21°C tómen bolmaýy kerek. Eń durysy, bólmedegi jáne kóshedegi aýa temperatýrasy arasyndaǵy aıyrmashylyq 5-7°C aspaýy tıis.
2. Tońazytqyshtan sýsyn ishpeńiz jáne olarǵa muz kesekterin qospańyz. Ystyqta balmuzdaqty azdap erigen soń jeý qajet. Salqyn taǵam men sýsyndy olar aýyz qýysynda jylynyp úlgeretindeı az mólsherde iship, jeńiz.
3. Murynǵa arnalǵan ylǵaldaýshy tamshylardy qoldaný, kóp sý ishý, qoldy únemi jýý nemese antıbakterıaldy zattardy paıdalaný kerek.
4. Eń úlken qatelik – terlep turǵan kúıi salqyn sýǵa túsý. Aǵzanyń birden salqyndaýy sýyq tııýge ákelip qana qoımaı, sonymen birge júrek-qan tamyrlary júıesine keri áser etýi múmkin.
