Jazda toıdyń tamaǵyn qalaı daıyndaý qajet
«Endi, biz, qazaqtar, toıdy jaqsy kóretin xalyqpyz ǵoı. Toıǵa orta eseppen 200-300 qonaq keledi. Ondaıda tamaq qaýipsizdigine basa nazar aýdarý qajet. Ásirese, jaz kezinde asa saq bolǵan jón. Sebebi qatty ystyqta tamaq tez búlinedi. Osyny eskerý kerek. Ókinishke qaraı, toı ıeleri kóp jaǵdaıda meıramxana zalyn bezendirýge kóńil bólip jatady. Al asxana jaǵyn umytady», - dedi J.Bekshın Astanada ótken baspasóz máslıxatynda.
Onyń aıtýynsha, aldymen aspazshylardyń kásibı daıyndyǵyn tekserip alý qajet. Bas aspazshyda sanıtarlyq kitapsha bolýy tıis. Syrttan adam tartýǵa bolmaıdy. Ydys-aıaqty jýyp turatyn adamdardyń sany da jetkilikti bolýy shart.
«Sosyn tamaqty saqtaıtyn arnaıy qural-jabdyqtardyń bar-joǵyn tekserip alǵan jón. Daıyn turǵan tamaq tońazytqyshta saqtalýy qajet. Meıramxanada ystyq sý bolýy tıis. Tazalyqqa basa mán berý kerek. Negizi, tamaq jasaıtyn jerdiń sanıtarlyq jaǵdaıy jappaı ýlanýǵa sebep bolyp jatady. Toıdyń dastarqanyn bir saǵat buryn jasaǵan durys. Odan erte jaıylsa, daıyn tamaqta mıkroaǵzalar tez ósedi. Sodan adam ýlanady. Árıne, tamaq ónimderiniń saqtaý merzimin únemi baqylap otyrý qajet», - dep atap kórsetti J.Bekshın.