Jazda poıyzben qaı baǵyttarǵa suranys joǵary
ASTANA. KAZINFORM — «Qazaqstan temir joly» UK» AQ baspasóz qyzmeti jazǵy maýsymdaǵy tanymal temirjol baǵyttaryn atady.
Jazǵy maýsymda jolaýshylar arasynda Alakól jáne Balqash kólderine, Kaspıı teńizi jaǵalaýyna, sondaı-aq Astana, Almaty, Shymkent, Túrkistan jáne Býrabaı kýrorttyq aımaǵynyń baǵyttary dástúrli túrde joǵary suranysqa ıe.
Alakól
Eń suranysqa ıe kýrorttyq baǵyt Alakól kóliniń jaǵalaýy bolyp qalyp otyr. Kýrorttyq aımaqqa Astana, Almaty, Pavlodar, Shyǵys Qazaqstan, Abaı jáne Qyzylorda oblystarynan 15 marshrýt boıynsha poıyzdar qatynaıdy. 10 marshrýtqa «Jolaýshylar tasymaly» AQ, taǵy 2-ine jeke tasymaldaýshy qyzmet kórsetedi. Jazǵy maýsymda Ulttyq tasymaldaýshy jolaýshylarǵa 230 myńǵa jýyq oryn usynady. Alakólge deıingi barlyq poıyz vagondary aýa baptaǵyshtarmen jabdyqtalǵan.
Balqash
Balqash kóline poıyzdar 8 marshrýt boıynsha júredi. Jazǵy kezeńde osy baǵyt boıynsha jolaýshylar aǵyny orta eseppen 45 myń adamdy quraıdy.
Býrabaı
Býrabaı kýrorttyq aımaǵyna deıin 16 marshrýt boıynsha poıyzdar qozǵalysy uıymdastyryldy. Jazda bul baǵyttaǵy jolaýshylar sany orta eseppen 65 myńǵa jetedi.
Túrkistan
Túrkistanǵa 16 marshrýt boıynsha poıyzdar qatynaıdy. Mundaı jazǵy maýsymda jolaýshylar aǵyny shamamen 60 myńnan asady.
Aqtaý
Aqtaýǵa deıin poıyzdar 7 marshrýt boıynsha júredi. Jazda jolaýshylar aǵyny orta eseppen 155 myń adamǵa jetedi.
Saryaǵash
Saryaǵashqa 5 poıyz qatynaıdy. Jazǵy kezeńde jolaýshylar aǵyny 9,5 myńǵa jýyqtaıdy. Temirjol marshrýttarynyń eń kóp sany Astanaǵa tıesili — 36. Olardy aı saıyn orta eseppen 130 myńǵa jýyq jolaýshy paıdalanady.
Ońtústik baǵytqa qatynaıdy:
— Almatyǵa deıin 26 marshrýt;
— Shymkentke deıin 18 marshrýt.
Aı saıynǵy jolaýshylar aǵynyń quraıdy:
— Almaty — 155 — 160 myń jolaýshy;
— Shymkent — 70 myńǵa jýyq jolaýshy.
Jazǵy kezeńde poıyzben barlyǵy 4,2 mln-nan astam jolaýshy tasymaldaý josparlanyp otyr.
