Jazda ormanda seıil qurýǵa tyıym salyna ma

ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev ormanda seıil quryp, tabıǵat aıasynda demalys ótkizýdiń sharttaryn túsindirdi.

Úkimet otyrysynan keıin ótken baspasóz máslıhatynda qazaqstandyqtarǵa úndeý tastaǵan mınıstr bıyl órt qaýpi joǵary bolǵandyqtan, ormanda seıil qurýdan shektelýdi suraǵan bolatyn. 

BAQ ókilderi ormanda tabıǵat aıasyndaǵy demalys ótkizýge naqty qandaı shekteý qoıylyp otyrǵanyn surady.

— Ormanda múldem demalýǵa bolmaıdy emes. Arnaıy belgilengen oryndar bar, sol jerlerde ǵana demalý kerek. Bul máselelerdi retteıtin normatıvtik-quqyqtyq aktiler bar. Memlekettik tabıǵı parkterdiń bárinde anshlagtar bar. Sol jerden qaı jerde demalýǵa bolatynyn, qaı jerde bolmaıtynyn bilýge bolady. Sondyqtan ormanda jappaı demalýǵa tyıym salyp jatqan joqpyz. Bári qoldanystaǵy zańnama aıasynda bolý kerek, — dedi Erlan Nysanbaev.

Sondaı-aq, ol «Semeı ormany» rezervatynyń órt sharpyǵan aǵashyn satýdan qansha tabys túskenin aıtty.