Jazda erekshe balalarǵa arnalǵan «Meıirim» ınklıýzıvti áleýmettik jobasy bastalady

ASTANA. QazAqparat – Mádenıet jáne sport mınıstri Ashat Oralov Úkimet otyrysynda oqýshylardyń jazǵy demalysynda uıymdastyrylatyn mádenı sharalardy atady, dep habarlaıdy QazAqparat tilshisi.

«Jazǵy demalys kezinde mádenıet salasynda 500-den astam, sport jáne týrızm salalarynda 300-ge jýyq is-shara uıymdastyrylady.

Búginde memlekettik tapsyrys aıasynda shyǵarmashylyq jáne sporttyq baǵyttaǵy 114 túrli úıirme men sektsııa qyzmetin jalǵastyrady.

Mýzeıler men kıeli oryndarǵa tegin ekskýrsııalar uıymdastyrý, kitaphanalarǵa barý, spektaklder men qoıylymdar kórsetý sııaqty túrli mádenı-buqaralyq is-shara kózdelgen», - dedi ol.

Mınıstrdiń sózinshe, jetkinshekterdiń demalysy mazmundy bolýyna mádenıe oshaqtar barynshla tartylmaq.

«Ulttyq mýzeı «Tarıhı tulǵalar», «Shańyraq», «Ásemdikke qushtarlyq», «Qyzyqty etnografııa», «Urpaq+» mádenı-bilim berý jobalary sheńberinde ekskýrsııalar, dárister, shyǵarmashylyq keshter jáne dóńgelek ústelder uıymdastyrylýda, ótkizýde, sondaı-aq «Mıras» jáne «Jas arheolog», «Keskindeme jáne grafıka», «Sheber» arnaıy stýdııalary men úıirmeleri jumys isteıdi. Sonymen birge, ereksheligi bar kelýshiler úshin «Meıirim» ınklıýzıvti áleýmettik jobasy iske asyrylýda. Budan bólek, «Mýzeıdegi mektep kúni» is-sharasy ótedi», - dedi Ashat Oralov.