Jazda dollar baǵamy qandaı bolýy múmkin
arjy naryǵy kásibı qatysýshylarynyń, bank, saqtandyrý, brokerlik uıymdar ókilderiniń, taldaý jáne qazynashylyq bólimsheleri qyzmetkerleriniń pikiri zerttelgen. Respondentterdiń «Brent» markaly munaıdyń baǵasy, Reseı rýbli men Qazaqstan teńgesine qatysty, AQSh dollarynyń quny, ınflıatsııa, JІÓ, Ulttyq banktiń bazalyq mólsherlemesi sekildi negizgi ındıkatorlar boıynsha boljamdar týraly suraqtarǵa jaýaptary usynylǵan.
«Ulttyq qordan sheteldik valıýtany satý, kvazımemlekettik sektor sýbektileriniń valıýtalyq túsimdi mindetti satýy (mamyr aıynda shamamen 1 mlrd AQSh dollary) jáne mamyr aıyndaǵy salyq kezeńi birlesip, syrtqy faktorlardyń ulttyq valıýta baǵamyna teris áserin ishinara teńestirýi múmkin. Qarjy naryǵynyń sarapshylary 2023 jyldyń maýsym aıynyń basynda USD/KZT baǵamy bir dollar úshin 452,0 teńge bolady dep boljaıdy, al bir jyldan keıin – bir dollar baǵamy 476,4 teńgege deıin ósýi múmkin (qazirgi dollar baǵasyna + 6,1%)», - dep jazylǵan Qazaqstan qarjygerleri qaýymdastyǵynyń maqalasynda.
Qarjy sarapshylary bir jyl boıy munaı baǵasynyń ósýin boljasa da, olardyń shıkizat naryǵyndaǵy baǵaǵa boljamdary birshama nasharlady (bir aı buryn barreline 86,1 dollar bolsa, qazir 84,1 dollar).
«Aıta keteıik, mamyr aıynyń basynan bastap munaıdyń baǵa belgilenimi tómendeýdi (-7%) jalǵastyrdy, óıtkeni jahandyq naryqta munaıdyń turaqty usynysy saqtalyp, AQSh pen Qytaı tarapynan shıkizatqa suranystyń tómendeýi kútilip otyr. Saýalnamaǵa qatysýshylar aldaǵy 12 aıda Reseı valıýtasynyń bir dollar úshin 87,1 rýblge deıin 12%-ǵa álsireýin boljaǵan. Bul geosaıası syn-qaterdiń saqtalýyna (EO sanktsııalarynyń 11-shi paketi), Reseı Federatsııasynyń saýda balansy profıtsıtiniń aıtarlyqtaı tómendeýine jáne sheteldik kompanııalardyń reseılik bıznesten shyǵýyna baılanysty bolýy múmkin», - deıdi qaýymdastyq.
Sonymen birge, qarjy sarapshylarynyń mamyr aıyndaǵy boljamyna sáıkes, bir jyldan keıin eldegi baǵanyń ósýi 12,6% bolýy múmkin, bir aı buryn bul kórsetkish 14,4% dep boljanǵan edi.
Alaıda, sarapshylardyń kópshiligi munyń Ulttyq banktiń 26 mamyrdaǵy aqsha-nesıe saıasaty boıynsha otyrysynda bazalyq mólsherlemeni tómendetýine sebep bolmaıtynyn aıtady: respondentterdiń 79%-y onyń qazirgi deńgeıde saqtalýyn kútedi jáne tek 21%-y tómendeýdi boljaǵan.
Munaıdyń joǵary baǵasyn boljaý aıasynda (qazir 73,5 dollar) aldaǵy 12 aıda JІÓ ósimi boıynsha boljam bir aı buryn 3,6% bolsa, qazir 3,8%-ǵa deıin kóterilgen.
