Jazda balalaryn qaraýsyz qaldyrǵan 15 myń ata-ana jaýapqa tartyldy
ASTANA. KAZINFORM — Bıyl jazda elimizde balalaryn baqylaýsyz qaldyrǵan 15 myń ata-ana jaýapkershilikke tartyldy. Polıtsııaǵa 18 myń bala jetkizilip, onyń 1,5 myńnan astamy qaraýsyz júrgen. Bul týraly QR ІІM Ákimshilik polıtsııa komıteti tóraǵasynyń orynbasary Quralaı Karına málimdedi.
Ortalyq kommýnıkatsııalar qyzmetinde ótken baspasóz máslıhatynda ol jazǵy demalys kezinde balalardyń qaýipsizdigin qamtamasyz etý jáne quqyq buzýshylyqtardyń aldyn alý sharalaryna toqtaldy.
Onyń aıtýynsha, polıtsııa balalardyń túngi ýaqytta eresekterdiń qaraýynsyz júrýine, alkogol iship, temeki shegýine jol bermeýge erekshe nazar aýdarǵan.
— Tek jaz kezinde balalaryn baqylamaǵan 15 myń ata-ana jaýapkershilikke tartyldy. Polıtsııaǵa 18 myń bala jetkizildi, onyń 1,5 myńnan astamy qaraýsyz júrgen. Sondaı-aq balalardyń túngi ýaqytta oıyn-saýyq oryndarynda bolýyna jol bergen 240 kásipker jaýapkershilikke tartyldy, — dedi Quralaı Karına.
Jazǵy demalys kezinde balalar lagerlerindegi qaýipsizdik te kúsheıtildi. Ár lagerge polıtsııa qyzmetkerleri bekitilip, lager basshylyǵymen birlesip balalarǵa zań talaptary túsindirildi.Sonymen qatar 6 myńnan astam balany demalys oryndaryna aparý jáne keri alyp kelý kezinde polıtsııanyń alyp júrýi uıymdastyryldy.
Buǵan deıin ІІM jańa oqý jyly qarsańynda ata-analar men ustazdardy balalardyń qaýipsizdigine erekshe mán berýge shaqyrǵanyn jazǵan edik.
