Jazataıym oqıǵany tergeý kezinde qyzmetkerdiń kinásin aıqyndaý tetigi qaıta qaralady - Dúısenova
Mınıstrdiń aıtýynsha, 2023 jyldyń 1 sáýirinen bastap eńbek qaýipsizdigi men eńbekti qorǵaý salasyndaǵy táýekelderdiń aldyn alý jáne ýaqtyly baǵalaý maqsatynda táýekelderdi basqarýdyń avtomattandyrylǵan júıesi – Tsıfrly sıtýatsııalyq ortalyq iske qosylady. 2023 jylǵy 20 qańtarǵa deıin jazataıym oqıǵalardan mindetti saqtandyrý júıesin jetildirý jóninde usynystar ázirlenedi. 2023 jyldyń 1 qyrkúıegine deıin qaýipsizdik jáne eńbekti qorǵaý salasyndaǵy myń jarymnan asa standart qaıta qaralady.
«Kelesi jyldyń birinshi jartyjyldyǵynda Eńbek kodeksine tıisti ózgerister engize otyryp, jazataıym oqıǵany tergeý kezinde qyzmetkerdiń kinásiniń dárejesin aıqyndaý tetikteri qaıta qaralatyn bolady. Sondaı-aq, 2023 jyly memleket, bıznes jáne jumysshylardyń áleýmettik seriktestiginiń tıimdiligin arttyrý maqsatynda «Kásipodaqtar týraly» zańǵa qajetti ózgerister engiziledi. Eńbek mınıstrligi óz kezeginde Memleket basshysynyń barlyq tapsyrmasynyń júzege asyrýynyń qamtamasyz etetin bolady», – dedi Tamara Dúısenova.