Jazasyn ótep jatqan aǵasyna jasyryp uıaly telefon ótkizbek bolǵan - Qyzylorda
QYZYLORDA. QazAqparat - Qyzylorda qalasynda oryn tepken ZK-169/5 mekemesinde jazasyn ótep jatqan aǵasymen kezdesýge kelgen azamat shulyq ishine jasyryp uıaly telefon ótkizbek bolǵan, dep habarlaıdy QazAqparat tilshisi.
Ol aǵasymen qysqa merzimdi kezdesýge kelgen. Tekserý kezinde shulyq ishine tyǵylǵan uıaly telefon tabyldy.
«Qyzylorda qalasyndaǵy ZK-169/5 mekemesiniń rejim bólimi men jedel bóliminiń qyzmetkerleri sottalǵandarǵa tyıym salynǵan zattar men buıymdardyń mekeme aýmaǵyna ótý joldaryn der kezinde anyqtaýǵa kúsh salyp keledi. Sottalǵandarmen kezdesýge kelgen olardyń týystaryna QR Qylmystyq-atqarý kodeksiniń normalary jáne jazasyn ótep jatqandarǵa tyıym salynǵan zattar men buıymdardy engizgen tulǵalardyń zań aldynda jaýapkershilikterin túsindirý keńinen júrgiziledi. Osyǵan qaramastan shulyq ishine uıaly telefon jasyryp ótkizbek bolǵan azamat belgili boldy. Bul boıynsha ákimshilik jaýapkershilikke tartý úshin is- qujattary tolyqtaı rásimdelip, sheshim qabyldaý úshin Qyzylorda qalasynyń sotyna joldandy», - dep málim etti Qylmystyq atqarý júıesi departamentiniń baspasóz hatshysy Dana Dostanova.
Budan buryn Qyzylordada tergeý ızolıatorynda otyrǵan áıel bosanǵanǵandyǵyn habarlanǵan.
foto: vyatka-oblast.livejournal.com