Jazasyn ótep shyqqandardyń qylmysqa qaıta barýy azaıdy
QR ІІM Qylmystyq-atqarý júıesi komıtetiniń aqparatyna súıensek, qylmystardyń qaıta jasalýyna kóbinese jazasyn ótep shyqqandardyń adal jolǵa túsý nıetiniń bolmaýy, jumyssyzdyq jáne ishimdik ishýi sebep bolyp jatady.
«Qylmystyń qaıtadan jasalýyna áleýmettik-turmystyq ahýal sebep bolatyny belgili. Sondyqtan, olardyń eń qajetti máselelerin sheshýde kúsh jumyldyrylady. Eń aldymen, olarǵa áleýmettik-quqyqtyq kómek kórsetiledi. Ol kómek sottalǵan adamdy áleýmettik turǵyda qoǵamǵa qaıta beıimdeýge baǵyttalǵan. 2019 jyldyń basynan beri 50 myń sottalǵan azamat áleýmettik-quqyqtyq kómek aldy», - dep málim etti QR ІІM QAJK tóraǵasynyń orynbasary Meıram Aıýbaev búgin Almatyda ótken «II Ortalyq Azııa dıalogy: túrmedegi halyq sanyn azaıtý jáne probatsııa qyzmetin damytý» taqyrybyndaǵy konferentsııada.
Naqtyraq aıtqanda, probatsııa qyzmetiniń mamandarynyń arqasynda esepte turǵan 7,5 myń adam jumysqa ornalastyrylyp, 11 myń adamnyń em-domy boıynsha kómek kórsetilgen. Taǵy 30 myń adamǵa psıhologııalyq járdem berilse, 130 sottalǵan azamat bilim alyp, qoǵamǵa beıimdelip keledi.
