Jazasyn ótegenderge «sottalmaǵan» degen anyqtama beriledi

ATYRAÝ. QazAqparat - Buryn sottylyǵy bolǵan azamattan jazasyn ótep kelgennen keıin onyń sottalǵandyǵy týraly málimet alynyp tastalady. Búgin Óńirlik kommýnıkatsııalar qyzmetinde ótken brıfıngte Qazaqstan Respýblıkasy Bas prokýratýrasynyń Atyraý oblysy boıynsha basqarma basshysynyń orynbasary Jánibek Semǵalıev munyń sebebin túsindirdi, - dep habarlaıdy «QazAqparat» HAA tilshisi.

Qylmys jasaǵandyǵy týraly málimetti joıý úshin tıisti jazasyn ótep kelgen azamat jeke kýáligimen halyqqa qyzmet kórsetý ortalyǵyna barýy tıis. Sol jerde ol ótinishin toltyryp, 3 mınýt ishinde sottylyǵy joq týraly anyqtama qujat ala alady. 

- Keıbir mekemeler azamattardy jumysqa qabyldaý kezinde olardan sottalmaǵandyǵy týraly anyqtama ákelýdi talap etedi. Bul buryn sottylyǵy bolǵan azamattardyń narazylyǵyn týdyryp kelgen edi. Azamattardyń quqyn qorǵaý maqsatynda osy másele Bas prokýratýrada qaraldy. «Memlekettik qyzmetter týraly» QR Zańynyń 13-babyna sáıkes, standartty túrde kórsetiletin memlekettik qyzmet tizimdemesine qyzmetti engizgen kúnnen bastap úsh aıdyń ishinde bekitiledi, - dedi basqarma basshysynyń orynbasary Jánibek Semǵalıev.

Endi, 2017 jyldyń 2-toqsanynan bastap buryn qylmystyq jaýapkershilikke tartylǵan, sottylyqtary joıylǵan nemese alynyp tastalǵan azamattar anyqtamany «Sottylyǵy joq» degen belgimen ala alady.