Jazalanýshylardy qoǵamdyq jumystarǵa kóptep tartý qajet - A.Rahmetýlın
ASTANA. QazAqparat - Jazalanýshylardy qoǵamdyq jumystarǵa kóptep tartý qajet. Bul týraly búgin 2017 jyldyń 1 jartyjyldyǵynda sot tóreligin júzege asyrý qorytyndylaryna arnalǵan respýblıka sýdıalarynyń keńeıtilgen otyrysynda QR Joǵarǵy soty Qylmystyq ister jónindegi sot alqasynyń tóraǵasy Abaı Rahmetýlın aıtty, dep habarlaıdy QazAqparat.
«Respýblıka boıynsha sottarymyz zań talabyna saı ádil ári zańdy jaza taǵaıyndaıdy. Degenmen, sottardyń nazaryn qoǵamdyq jumysqa tartý syndy jaza túrin jıi qoldanýǵa nazar aýdartqymyz keledi», - dedi ol.
Osy rette Abaı Rahmetýlın oblystyq jáne olarǵa teńestirilgen sottardyń tóraǵalaryna jergilikti atqarýshy organdarmen birlese otyryp, jazalanýshyny tartý úshin aýla tazalaý, kommýnaldyq jumystar syndy baǵyttardy anyqtaýǵa keńes berdi.
«Munyń qosarlanǵan paıdasy bolar edi. Bir jaqtan sottalýshy qoǵamnan ajyrap qalmaıdy jáne soǵan oraı olardy ortaǵa beıimdeý jeńildeıdi. Buǵan qosa, qoǵamdyq paıdaly jumysqa tartýdyń tárbıelik te máni bar ekendigin eskergen jón», - dedi ol.
Onyń dereginshe, aǵymdaǵy jyldyń birinshi jartyjyldyǵy ishinde dál osyndaı jazaǵa 2 myń 421 adam tartylǵan.
