Jaz mezgilinde týrıster úshin eń qymbatqa túsetin elder anyqtaldy
ASTANA. QazAqparat - Office for National Statistics (ONS) brıtandyq ulttyq statıstıkalyq derekter ınstıtýty maýsymdaǵy eń qymbat týrıstik baǵyttardyń reıtıngin jasady.
Bul týraly The Independent habarlady. Sarapshylar týrısterge belgili bir elderde ótkizgen bir kúni qanshaǵa túsetinin eseptedi. 2015 jylǵy jazǵy ýaqytta demalý úshin eń qymbat el karıbtik Barbados bolyp shyqty. Týrıster bul jerde táýligine 168 dollar jumsaıdy eken. Ekinshi orynda - BAÁ (156 dollar). Úshinshi oryndy Chehııa men Avstrııa bólisti. Bul elderde bir kúnde týrıst 142 dollarǵa shyǵyndalady. Olardan keıin Shveıtsarııa (140 dollar) jáne Belgııa (136 dollar). AQSh pen Lıýksembýrg týrısteri kúnine 134 dollar jumsaıdy, reıtıngte toǵyzynshy oryn Nıderlandyda (125 dollar), 2015 jylǵy jazda eń qymbat baǵyttar tiziminiń sońyna Gonkong (120 dollar) jaıǵasty. Bul reıtıngti túzý barysynda mamandar qonaqúıge ornalasý quny men basqa da kúndelikti shyǵyndardy esepke aldy.
