Jaz mezgilinde qosymsha poıyzdar jolǵa shyǵady - «Jolaýshylar tasymaly» AQ

ASTANA. QazAqparat - Turǵyndardyń suranystaryna baılanysty qosymsha jolaýshylar poıyzdary jiberiledi, dep habarlaıdy «Jolaýshylar tasymaly» AQ baspasóz qyzmetinen.

Atap aıtqanda, «Qaraǵandy-Jezqazǵan» baǵytyndaǵy №634/633 jolaýshylar poıyzy ústimizdegi jyldyń 2 shildesi men 30 tamyzy aralyǵynda aptasyna eki ret qatynaıdy; «Almaty-2-Arys-1» baǵytyndaǵy №61/62 jolaýshylar poıyzy 17 shildeden 28 tamyz aralyǵynda aptasyna bir ret qatynaıdy. Al «Almaty-1-Aıagóz» baǵytyndaǵy №453/454 jolaýshylar poıyzy 19 shildeden bastap bekitilgen keste boıynsha júre bastaıdy. Sonymen qatar 23 «Tulpar-Talgo» vagonynan jasaqtalǵan №502/501 «Astana-Almaty-2» baǵytynda bir rettik júrdek poıyz taǵaıyndaldy, ol Astanadan 28 maýsymda 21 saǵat 28 mınýtta attanyp, Almaty-2 stansasyna 29 maýsymda kúndizgi 12 saǵat 07 mınýtta keledi.