Jaz maýsymy bastalǵaly beri Astanada 10 myńnan astam kóshet otyrǵyzyldy (FOTO)
ASTANA. QazAqparat - Elordamyz jyldan jylǵa kórkeıip, jasyldanyp, gúlder men aǵashtar kóptep otyrǵyzylyp, jasyl kompozıtsııalar men jasyl qorshaýlar jasalýdy. Bul orasan jumystardyń barlyǵyn elordalyq «Astana-Zelenstroı» kommýnaldyq mekemesi júzege asyrady.
Kún saıyn saǵat tańǵy 7-den keshki 7-ge deıin atalmysh mekemeniń 700 jumysshysy elordamyzdyń jasyl ımıdjin qalyptastyrý maqsatynda eńbek etedi. Maýsym basynan beri 10 myńnan astam aǵash kóshetteri otyrǵyzylyp, 5 shaqyrym jasyl qorshaý salyndy, 148 myń sharshy metrden astam gúldesteler jasaldy.
«Astana-Zelenstroı» qyzmetkerleri 300 myń aǵash, 13 myń buta, 144 m jasyl qorshaýǵa kútim jasap, baqylaıdy.
213 arnaıy tehnıka kómegimen jasyldandyrýshylar tek qana jasyl kóshetterdi otyrǵyzyp qoımaı, olarǵa kútim kórsetedi. «Astana-Zelenstroı» baqylaýynda 663 ga sozylǵan ashyq jasyl shalǵyn bar.
Kún saıyn júzdegen adam tańerteń erte qala kóshelerine erekshe túr berý úshin shyǵady. Alaıda, saıabaqtar, shaǵyn baqtar jáne shalǵyndardyń tazalyǵyn saqtaý qalamyzdyń ár bir turǵynynyń mindetti ekenin de umytpaý kerek.
