Jaz bastalǵaly SQO polıtseıleri iz-túzsiz joǵalǵan 76 adamdy tapty
PETROPAVL. QazAqparat - Jazdyń eki aıynda SQO polıtseıleri 76 iz-túzsiz joǵalǵandy izdestirdi, dep habarlaıdy QazAóparat.
Jaz bastalǵaly solústikqazaqstandyq polıtseıler iz-túzsiz joǵalǵan 76 adamnyń júrgen jerin anyqtady. Oryn alǵan faktiler kórsetkendeı, olardyń sany kún jylı salysymen artady. «Kúıbeń tirlikten» demalýǵa degen umtylys úıden ketýge alyp kelip jatady. Bireý spırttik ishimdikti asyra ishse, endi bireýi jaqyndaryna jospayn aıtpaı, jolǵa shyǵyp ketedi.
Shildeniń 15-i kúni keshki ýaqytta Lada avtokóligimen belgisiz baǵytta ketip qalǵan 30 jastaǵy qala turǵyny týysqandaryn biraz alańdatty. Polıtseıler izdestirý is-sharalaryn uıymdastyryp, eriktilerdi tartty. «Aǵyn» beınebaqylaý júıesi arqyly kóliktiń júrip ótken joly belgili boldy. Іz-túzsiz joǵalǵan áıeldiń Aıyrtaý aýdanyndaǵy demalys ornynda bolǵany anyqtaldy.
«Aıta ketetini, demalys aımaqtarynda iz-túzsiz joǵalyp ketýdiń aldyn alý boıynsha sharalar qabyldanýda. Polıtseıler turaqty túrde reıdke shyǵady, demalýshylarǵa túsindirý jumysyn júrgizedi, tabıǵatta qaýipsiz júrip-turý erejeleri týraly túsindiredi. Jolǵa shyǵar aldynda bul týraly jaqyn adamdaryńyzdy mindetti túrde habardar etip, telefonnyń aqaýy joq ekendigine kóz jetkizińiz. Óńir turǵyndarynan demalysqa shyqqanda barynsha jaýapkershilik tanytýlaryn suraımyz», – deıdi SQO Polıtsııa departamenti Krımınaldyq polıtsııa basqarmasynyń bastyǵy Marat Jumalıev.
Jyl basynan oblystyq polıtsııa bólinisterine adamdardyń iz-túzsiz joǵalýyna qatysty 275 ótinish túsken, búginde olardyń 270-i tabyldy.
