Jaz bastalǵaly elimizge kelgen týrıster sany artty
«eQonaq aqparattyq júıesiniń deregi boıynsha 1 maýsym men 23 shilde aralyǵynda elimizdiń qonaq úılerinde 250 468 shetel azamaty toqtaǵan. Bul byltyrǵy sáıkes kezeńmen salystyrǵanda 3 eseden artyq. 2022 jyly osy kezeńde 77 645 sheteldik týrıs otandyq qonaq úılerde demalǵan», - delingen Mádenıet jáne sport mınıstrligi málimetinde.
Atap aıtqanda, TMD elderinen kelgen týrıster sany 180 myń nemese 72% bolǵan. Bir qyzyǵy, byltyr dál osy kórsetkish 77% bolǵan edi. ıAǵnı, alys shetelden kelgen týrısterdiń úlesi artyp otyr.
Máselen, Mońǵolııadan 11,6 ese (489-dan 5 683-ke deıin) Qytaı – 8,5 ese (2 223/ 18 954), Úndistan – 4,7 ese (1 245/5 887), Ońtústik Koreıa – 3,8 ese (939/3 585), Iran – 3,8 ese (237/897), Germanııa – 3 ese (1 659/5 054), sondaı-aq AQSh-tan 2,2 ese (1 237/2 761) ósti.
Sheteldik týrısterdiń elimizge demalýǵa keletin basty baǵyttary: Almaty qalasy (1 maýsym men 23 shilde aralyǵynda – 77 308 týrıst), Astana qalasy (38 463 týrıst), Almaty oblysy (19 049 týrıst) jáne Mańǵystaý oblysy (15 062 týrıst).
