Jaz bastalǵaly 700-den astam almatylyqty kene shaqqan
Almaty qalalyq taýarlar men qyzmetterdiń sapasy men qaýipsizdigin baqylaý departamentiniń málimetine sáıkes, 4 mamyrdan bastap jalpy aýdany
Kenege qarsy óńdeý jumystaryn Almaty qalasy boıynsha dezınfektsııa ortalyǵynyń fılıaly aýdandyq Sapa men qaýipsizdikti jáne taýarlardy baqylaý basqarmasy mamandarynyń tikeleı baqylaýymen júrgizedi.
Jaýapty mamandar qala turǵyndaryn kenelerdiń belsendi maýsymy kezeńinde kene entsefalıtiniń tabıǵı oshaǵyna barǵanda (taýǵa shyǵý, orman, Almaty qalasy jáne onyń mańaıynda ornalasqan lagerler men saýyqtyrý uıymdaryndaǵy demalys kezinde) saqtanýǵa shaqyrdy.
«Eger kene shaǵyp alǵan jaǵdaıda shuǵyl túrde (alǵashqy úsh táýlik ishinde) seroprofılaktıka pýnktine júginý qajet. Onda zardap shegýshiden keneni alyp tastaý jáne shuǵyl seroprofılaktıkany qamtıtyn bilikti kómek kórsetiledi, ıaǵnı kenege qarsy arnaıy ımmýnoglobýlın egiledi», - dep habarlady departamentten.
Qazirgi COVID-19 karantın kezeńinde kene shaǵýdan zardap shekkenderge 3 medıtsınalyq uıymnyń travmatologııalyq pýnktterinde kómek kórsetiledi: №4 qalalyq klınıkalyq aýrýhana (Papanın kóshesi, 220, tel. 3003701);№ 7 qalalyq klınıkalyq aýrýhana (Qalqaman yqsh. aýdany, Raıymbek dańǵyly, tel. 2708631, ishki. 138); Balalar shuǵyl medıtsınalyq járdem ortalyǵy (Manas kóshesi, 40, tel. 2748319).
Kene belsendiliginiń maýsymy bastalǵaly qalanyń medıtsınalyq uıymdaryna 758 adam júgingen. Onyń ishinde 14 jasqa deıin 439 bala bar. Kene shaqqandardyń barlyǵyna der kezinde kenege qarsy ımmýnoglobýlın egildi. Almatyda kene entsefalıti tirkelgen joq.
2019 jyldyń osy kezeńinde 1 450 adam, onyń ishinde 14 jasqa deıingi 757 bala kene shaqty dep shaǵymdanǵan.