Jaıylymdardy sýmen qamtamasyz etý jumystarynyń 80 paıyzǵa deıingi quny sýbsıdııalanady
ASTANA. QazAqparat - Qazaqstanda jaıylymdardy sýmen qamtamasyz etý júıesin tartý boıynsha jumystardyń 80 paıyzǵa deıin kólemin memleket sýbsıdııalaıtyn bolady. Bul týraly búgin Ortalyq kommýnıkatsııalar qyzmetindegi brıfıngte QR Ulttyq ekonomıka vıtse-mınıctri Qaıyrbek Óskenbaev málim etti.
«Paıdalanylmaı jatqan jerdiń 78 paıyzy jaıylymdar men shabyndyqtarǵa tıesili. Túgendeýdiń nátıjesinde osy jerdiń paıdalanylmaýynyń sebepterine taldaý jasaldy. 70 paıyz jaıylymdar sýmen qamtamasyz etý júıesiniń bolmaýy saldarynan paıdalanylmaı otyr. Bul jerlerde sýmen qamtamasyz etý júıesi júrgizilmegen», - dedi Q. Óskenbaev.
Taratylǵan málimetterge qaraǵanda, alqaptarda buryn salynǵan sýarý qurylǵylarynyń 74 paıyzy qaıta jóndeýdi, al 13,3 paıyzy múldem esepten shyǵaryp tastaýdy qajet etedi.
«Eger fermerler nemese jerdi paıdalanýshylar ózderi paıdalanyp otyrǵan jaıylymdardy sýmen qamtamasyz etetin bolsa, onda bul jumystardyń 80 paıyzǵa deıingi quny sýbsıdııalanady. Bul yntalandyrý úshin aıtarlyqtaı tıimdi shara», - dedi vıtse-mınıstr.
