Jaıylymdardaǵy sýlandyrý qondyrǵylarynyń basym bóligi qaıta jańǵyrtý men jóndeýdi talap etedi - QR AShM
Vıtse-mınıstrdiń sózine qaraǵanda, elimizdegi jaıylymdarǵa qatysty birqatar problemalar qordalanyp tur. Atap aıtqanda, eldi mekender mańyndaǵy mal jaıylymdary tozyp ketken, jaıylymdardy maýsymdyq aýystyrýlar umyt qalýda. Mal sýaratyn sýattyq pýnktter sany kúrt azaıǵan, ásirese, shól jáne shóleıt, dalaly aımaqtarda jaıylymdardyń ónimdiligi, tozýy baıqalyp, jaǵdaılary tómendegen.
«Osyǵan oraı, jańa sýlandyrý júıelerin salý nemese qoldanystaǵylardy kúrdeli jóndeý qajettiligi týady. Oblys ákimdikteri tarapynan jaıylymdyq jerlerdi jáne sýlandyrý júıelerin túgendeý júrgizilýde. Ákimdikterdiń málimetterine qaraǵanda, qazirgi tańda 93,8 mıllıon gektar alańda 18,3 myń sýlandyrý júıeleri bar, olardyń 10,9 myńy nemese 60 paıyzy - shahtalyq qudyqtar, 4,8 myńy - qubyrmen tartylǵan qudyqtar, 2,6 - myńy ashyq sý kózderi. Sonymen qatar osy jaıylymdardaǵy sýlandyrý júıeleriniń 66 paıyzy qaıta jańǵyrtý men jóndeýlerdi qajet etedi. 19 paıyzy qoldanýǵa jaramsyz bolsa, tek 15 paıyzy ǵana qalypty jumys istep tur», - deıdi S.Omarov.
