«Jaıyqjylýqýat» AQ-nyń 12,5 mln. astam teńge bereshegi sotta qaralýda
ORAL. QazAqparat - BQO mamandandyrylǵan aýdanaralyq ekonomıkalyq sotynda JShS-lardyń biriniń talap-aryzy boıynsha «Jaıyqjylýqýat» AQ-dan kelisim-shartqa sáıkes ýaqtyly tólenbegen 12 584 843 teńge bereshegin óndirý týraly azamattyq is qaralýda, dep habarlaıdy «QazAqparat» HAA tilshisi.
BQO sotynyń baspasóz qyzmetinen túsken málimetke qaraǵanda, oǵan qosa talap-aryz ıesinen «Jaıyqjylýqýat» AQ múlki men esepshotyn tutqyndaý jóninde shaǵym túsken. Sot atalǵan shaǵymdy ishinara qanaǵattandyrdy. ıAǵnı atalǵan qarjy kóleminde jaýapker múlkine tyıym salyndy. Al esepshotyn tutqyndaý jónindegi bóligi qanaǵattandyrylǵan joq. Munyń sebebi - «Jaıyqjylýqýat» AQ óńirdi jylýmen qamtyp otyrǵan mekeme. Sondyqtan esepshottyń jabylýy ónim jetkizýshilermen esep aıyrysýǵa, jylytý maýsymy kezinde qosalqy bólshekter, jabdyqtar men qyzmetter alýǵa memlekettik satyp alý rásimin ótkizýge múmkindik bermeıdi.
