Jaıyqtaǵy balyqtyń qyrylý oqıǵasyn ІІM baqylaýǵa aldy
ATYRAÝ. QazAqparat - Jaıyq ózeninde balyqtyq jappaı qyrylý oqıǵasyn QR ІІM tekseretin bolady, dep habarlaıdy QazAqparat tilshisi.
«Jaıyqtaǵy balyqtardyń jappaı qyrylý faktisi boıynsha Atyraý oblysy poltsııa departamenti 2 qylmystyq isti tirkedi. 29 qańtarda qylmystyq ister QR ІІM Tergeý departamentine berildi», - dedi Atyraý oblysy Polıtsııa departamentiniń baspasóz qyzmeti.
Іs Іshki ister mınıstrligi basshysynyń baqylaýyna alynǵan.
Esterińizge sala keteıik, buǵan deıin Atyraý oblysynda balyqtyń qyrylǵany týraly birneshe aqparat jarııalaǵan bolatynbyz.
Naqtyraq aıtqanda, ótken jyldyń jeltoqsan aıynyń basynda Atyraý qalasynyń syrtyndaǵy Peretask shaǵyn ózeninde balyqtardyń jappaı qyrylý oqıǵasy tirkelgen edi.
Arada apta ótpeı Atyraý oblysyndaǵy Jaıyq ózeninde balyqtardyń jappaı qyrylǵany anyqtalǵan. Aıta keteıik, Atyraýda Jaıyq ózenin balyq ólekselerinen tazartý sharalary qolǵa alyndy.
