Jaıyqta balyqtyń jappaı qyrylýyna qatysy bar kúdiktilerdiń soty bastaldy

ATYRAÝ. QazAqparat - Atyraýda Jaıyqta jappaı balyq ýlanýyna qatysy bar kúdiktilerdiń ústinen sot protsesi bastaldy, dep habarlaıdy QazAqparat tilshisi.

«Sotqa deıin tergeý júrgizgen ІІM Tergeý brıgadasynyń nusqasy boıynsha, «Atyraý sý arnasy» QMK Jaıyq ózenine quramynda hlory kóp sýdy ózenge jiberip, balyqtar qyrylǵan. Sottalýshylar arasynda kásiporynnyń burynǵy dırektory, onyń orynbasary men sý tazalaý stansasynyń basshysy bar. Olardyń barlyǵy QR QK 328-baby 3-bóligi («Qorshaǵan ortaǵa asa iri zalal keltirýge ne adam ólimine ne adamdardyń jappaı syrqattanýyna ákep soqqan is-áreketter») jáne 2014-baby 2-bóligi («Otpen nemese qaýpi joǵary ózge de kózdermen abaısyz jumys isteý arqyly jasalǵan ne aýyr zardaptarǵa ákep soqqan nemese asa iri zalal keltirgen dál sol is-áreket») boıynsha aıyptalyp jatyr. Sondaı-aq, kásiporyn basshysyna qatysty qosymsha QR QK 371-baby («Salǵyrttyq») boıynsha qylmystyq is tirkeldi», - dep habarlady oblystyq sottyń baspasóz hatshysy Boranbaı Ǵalıev.

Eske salaıyq, Jaıyq ózeninde byltyr jeltoqsanda balyqtar jappaı qyrylyp qaldy. Barlyǵy 120 tonna balyq, sonyń ishinde 101 tonnasy bekire tuqymdastar bolǵan.

Avtor: A.Sokolov