Jaıyqta avtokólik muz astyna túsip ketti
ORAL. QazAqparat – Jaıyq ózeninde «Folksvagen Sharan» avtokóligi muzdyń astyna túsip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 19 aqpan kúni Aqjaıyq aýdany Taıpaq aýylynyń tusynda oryn aldy.
BQO TJ departamenti jedel qutqarý jasaǵynyń kúshimen (4 qyzmetker) 1997 jylǵy atalmysh avtokólik 20 aqpan kúni saǵat 17.15-te sýdan shyǵaryldy.
Zardap shekkender joq.
