Jaıyqta aýlanǵan qortpa balyqtan 30 keli ýyldyryq alyndy
ATYRAÝ. QazAqparat - Sáýir aıynyń basynda Jaıyq ózeninde ustalyp, keıin Jaıyq-Atyraý bekire balyq ósirý zaýytynyń mamandaryna tapsyrylǵan qortpa balyq 30 keli ýyldyryq berdi, dep habarlaıdy «QazAqparat» HAA tilshisi.
«Qortpa ýyldyryǵy saýý ádisimen alyndy, bul sırek kezdesetin iri balyqtyń ómirin saqtap qalýǵa múmkindik berdi. Endi mıllıonnan astam shabaq alýǵa úmittimiz, toǵanda qajetti salmaq jınaǵannan keıin olardy Jaıyqqa jiberemiz», - dep habarlady zaýyt dırektory Ǵylman Sarsemalıev.
Eske sala ketsek, kóktemgi balyq aýlaý maýsymynyń alǵashqy kúni Jaıyq-Kaspıı basseıninde balyqshylardyń qarmaǵyna sırek kezdesetin qortpa balyǵy ilindi. Onyń salmaǵy 160 kelini qurady. Tabıǵı ortada joıylyp bara jatqan balyqty Amangeldi atyndaǵy óndiristik kooperatıvtiń balyqshylary aýlap aldy. Ol Jaıyq ózeniniń Kishi Damba ýchaskesinde torǵa tústi.
