Jaıyqqa batyp ketken balanyń ákesi de esin jımaǵan kúıi qaıtys boldy

ORAL. QazAqparat - Oralda Jaıyq ózenine batyp ketken balanyń qutqarylǵan ákesi de esin jımaı kóz jumdy, dep habarlaıdy QazAqparat Moı gorod basylymyna silteme jasap.

Eske sala keteıik, biz munyń aldynda Oralda sý aıdynynda shomylyp júrgen úsh adam qutqarylyp, bir balanyń denesi tabylmaı jatqanyn habarlaǵan edik.

Búgin, 13 tamyz saǵat 16:47 kezinde qutqarýshylar pýltine Jaǵalaý kóshesinde Jaıyq ózenine úsh adamnyń batyp bara jatqany týraly habar túsken.

Ózende shomylyp júrgen 49 jastaǵy er adam, 12 jáne 17 jasar eki jasóspirimge kómek qajet bolǵan.

Qutqarýshylar eresek kisi men 12 jasar balany sýdan shyǵaryp úlgerdi.

Al 17 jasar jasóspirimniń denesi tórt saǵat izdegennen keıin tabylyp, jaǵaǵa shyǵaryldy. Ol qutqarylǵan er adamnyń uly edi.

Keıinirek BQO TJD 49 jastaǵy er adamnyń es-tússiz jatqanyn habarlady.

Qutqarýshylar oǵan júrek-ókpe reanımatsııasyn jasap, jedel járdem qyzmetkerlerine tapsyrǵan.

Ókinishke qaraı, reanımatsııalyq sharalarǵa qaramastan er adam esin sol kúıi jıǵan joq.