«Jaıyq úni» gazeti men ózge úsh nysan 163 mln teńgege satyldy
BQO qarjy basqarmasynyń basshysy Aıgúl Salahatdınova málim etkendeı, «Aqjaıyq» sport klýby» JShS - 11 mln, «Jaıyq jaryǵy» JShS - 149 mln, «Jaıyq úni» JShS - 2,4 mln, «Pýls goroda» JShS 0,6 mln teńgege ótken. Tender jarııalanǵan taǵy bir mekeme - «Oblystyq balalar stomatologııalyq emhanasy» MKK-ny ıelengen jeńimpazben túpkilikti esep-qısap jasalýda. Budan oblystyq bıýdjetke 103 mln teńge túsedi dep kútilýde. Tender sharty boıynsha satyp alýshylar sol qyzmet túrin on jyl boıyna saqtaýy tıis.
Sonymen qatar «Aqjaıyq» fýtbol klýby» JShS, Tasqala aýdany ákimdiginiń «Damý Tasqala» JShS, Oral qalasy ákimdiginiń «Jaıyq Taza qala» JShS, BQO ákimdigi densaýlyq saqtaý basqarmasynyń «Oblystyq keńesshi-dıagnostıka ortalyǵy» MKK, Bókeı ordasy aýdany ákimdiginiń «Orda» MKK boıynsha satý aldyndaǵy túrli sharalar júrgizilýde: biriniń naryqtyq baǵasy, ekinshisinde tender sharttary aıqyndalýda, taǵy biri satýǵa qaıta qoıylýda.
2011-2020 jyldarǵa arnalǵan turǵyn úı-kommýnaldyq sharýashylyǵyn jańǵyrtý baǵdarlamasy aıasynda qyzmet jasap jatqandyqtan, Syrym aýdany ákimdiginiń «Jympıty-servıs» JShS memlekettik menshikte qaldy. Budan basqa, eki mekeme rentabeldi bolmaýyna baılanysty, 2017-2018 jyldary taratylady.
Aıta keteıik, ótken jyly básekelestik ortaǵa tórt nysan («Oblystyq salaýatty ómir saltyn qalyptastyrý ortalyǵy» MKK, «Oral Taza servıs» JShS, «Batysagroservıs» JShS, «Turǵyn úı Oral» MKK) satylyp, odan bıýdjetke 373,6 mln teńge túsken bolatyn.
2016-2020 jyldarǵa arnalǵan Úkimettiń keshendi jekeshelendirý josparyna sáıkes respýblıka boıynsha barlyǵy 877 uıymdy satý kózdelse, sonyń 487-si 2017 jyly, 102-si 2018 jyly básekelestik ortaǵa berilýi kerek. 2019-2020 jyldary kompanııalarǵa kezek keledi.
