Jaıyq ózeniniń jaǵasynan qarý men oq-dáriler tabyldy
ATYRAÝ. QazAqparat – Atyraýda Jaıyq ózeniniń jaǵasynan qarý men oq-dáriler tabyldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, Atyraý qalasynyń turǵyny ózen jaǵasynan qapshyqqa salynǵan qarýǵa uqsas zat taýyp alǵan.
«Atyraý qalalyq polıtsııa basqarmasynyń 102 jelisine 12 aqpanda saǵat 12:52 shamasynda shahar turǵynynan habar tústi. Turǵyn Jaıyq ózeniniń jaǵalaýynda aq tústi qapshyqqa oralǵan qarý tárizdes zat pen oq-dárilerdi kórgen. Osyǵan oraı jedel tergeý tobymen oqıǵa ornynda tekserý júrgizdi. Jaıyq jaǵalaýynan tabylǵan qapshyqta qos aýyzdy tegis uńǵyly qarý men oq-dáriler bolǵany anyktaldy», -dep habarlady departamenttiń baspasóz qyzmeti.
Qazir atalǵan derekke qatysty QR Qylmystyq kodeksiniń 287-babymen (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) qylmystyq is tirkeldi. Polıtsııa qyzmetkerleri tergep-tekserý jrgizip jatyr.
Eske sala ketelik, budan buryn Atyraýda 3 adam polıtsııanyń joǵalǵan qarýlaryn ákelip bergenin jazǵan edik.
