Jaıyq ózeniniń ústinde oınap júrip muz astyna túsip ketken ekinshi balanyń denesi tabyldy - TJM
ASTANA. Naýryzdyń 20-sy. QazAqparat - Jaıyq ózeniniń ústinde oınap júrip sý astyna ketken ekinshi balanyń denesi tabyldy,
dep habarlady QR TJM-nan.
Buǵan deıin habarlanǵandaı, naýryzdyń ótken 18-i kúni keshqurym Atyraý oblysynyń Inder aýdanyna qarasty Inderbor eldi mekeninde muz ústinde oınap júrgen 11 jastaǵy eki bala sý astyna ketti. Bireýiniń denesi sýdan sol kúni shyǵarylsa, ekinshi balanyń máıitin Atyraý oblystyq Tótenshe jaǵdaılar departamentiniń jeke quramdaǵy 6 mamany men 2 tehnıkasynyń kúshimen bir táýlikten keıin izdep tabý múmkin boldy.
Sondaı-aq vedomstvo baspasóz qyzmetinen málim etkendeı, naýryzdyń 18-i kúni Qaraǵandy oblysy Aqtoǵaı aýdany Balqash ózeninde osyndaı taǵy bir jaǵdaı oryn aldy. Jarylǵan muz astyna túsip ketken 52 jastaǵy azamattyń denesi kelesi kúni tabyldy.
