Jaıyq ózeniniń Kaspııge shyǵar tusyna tikendi symdar tartyldy
ATYRAÝ. QazAqparat - Atyraýda Jaıyq ózeni arqyly Kaspıı teńizine shyǵar jol jabylyp, tikendi symdar tartyldy, dep habarlaıdy QazAqparat tilshisi.
«Mamandandyrylǵan tabıǵat qorǵaý prokýratýrasymen kelise otyryp, ınspektsııa brakonerlik faktilerdiń aldyn alý jáne jolyn kesý boıynsha jumystar júrgizýde. Beket, kedergi qurylǵylary jáne muzoıyqtar Jaıyq ózeniniń Kishi Damba tusyna jasaldy. Bul, bir jaǵynan sýdy qosymsha aýalandyrý, sondaı-aq kólik quralymen ótýge árekettengen tabıǵatty qorǵaý zańnamasyn buzýshylar úshin kedergi bolyp tabylady. Qoıylǵan beketke barlyq eskertý jáne habarlandyrý belgileri ornatyldy. Túngi ýaqytta beket pen muzdaǵy oıyqtar jaryqtandyrylyp turady», - dedi Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasynyń resmı ókili Oleg Týshkanov.
Avtory Andreı Sokolov
