Jaıyq ózeninen uzyndyǵy 2 metrden asatyn bekire aýlandy
ATYRAÝ. QazAqparat – Keshe Atyraý oblysynda balyqshylar Jaıyq ózeninen uzyndyǵy 2 metrden asatyn bekire tuqymdas balyqtardy aýlady, dep habarlaıdy QazAqparat.
«Jeksenbide Tómengi Peshnoı balyq aýlaý ýchaskesinde bekire tuqymdas baǵaly balyqtyń 4 danasy aýlandy. Onyń úsheýi orys bekiresi túrine jatady. Bir bekireniń uzyndyǵy –2 metr 20 sm. Salmaǵy –248 kg. Al, ózge úsheýiniń uzyndyǵy 80 sm men 1 metr aralyǵynda», - dep habarlady Atyraý oblystyq Orman sharýashylyǵy jáne janýarlar dúnıesi ınspektsııasynyń tabıǵı resýrstardy qorǵaý bólimi basshysynyń mindetin atqarýshy atqarýshy Oleg Týshkanov.
Onyń málim etýinshe, baǵaly balyqtar bekire shabaǵyn ósirý zaýytyna tapsyryldy.
