Jaıyq ózeninen 114 tonna óli balyq jınaldy
aılanysty vedomstvoaralyq komıssııa quryldy, dep habarlaıdy QazAqparat ákimdikke silteme jasap.
Jaıyqtaǵy tótenshe oqıǵaǵa baılanysty qańtar aıynda QR Energetıka vıtse-mınıstri Sábıt Nurlybaıdyń tóraǵalyǵymen vedomstvoaralyq komıssııa quraldy.
Komıssııa quramynda Atyraý oblysy ákiminiń orynbasary, ekologııalyq retteý jáne baqylaý, orman sharýashylyǵy jáne janýarlar dúnıesi, sý resýrstary, veterınarlyq baqylaý jáne qadaǵalaý, qoǵamdyq densaýlyq saqtaý komıtetteriniń basshylary, «Qazgıdromet» basshysy, Bas prokýratýra men ІІM tergeý komıtetiniń ókilderi bar.
Atyraý oblystyq ekologııa departamenti turaqty negizde Jaıyq ózenine qaldyq tógetin tabıǵat paıdalanýshylarǵa jospardan tys tekserý júrgizedi.
«Atyraý sý arnasy» MQK-na júrgizilgen jospardan tys tekserý shartty tazartylǵan qaldyq sýda hlorıdtiń ruqsat etilgen shekti mólsherden 4 ese kóp bolǵanyn anyqtady. «Jaıyq-Atyraý bekire zaýyty» RMQM, «Atyraý bekire ósirý zaýyty» RMQM, «Atyraý JEO» AQ-na júrgizilgen tekserýlerde sý synamalarynda lastaýshy zattardyń mólsherden asýy tirkelmedi.
10 jeltoqsan 2018 jyldan bastap Jaıyq ózenindegi sý jaǵdaıyna «Qazgıdromet» RMM monıtorıng júrgizip jatyr. Zerthanalyq taldaýlar shekten tys asý derekterin anyqtamady. Qazir «Qazgıdromet» monıtorıng aıasynda synamalardy shtattyq tártipte kún saıyn alyp otyr. Sonymen qatar, sý synamalaryn ekologııa departamenti men tutynýshylar quqyǵyn qorǵaý departamenti de júrgizýde. Bul ózenniń jaǵdaıyna monıtorıng úshjaqty júrgizilip jatqanyn jáne ózen jaǵdaıy qalypty ekenin kórsetedi. Óz kezeginde, 31 qańtar-8 aqpan 2019 j aralyǵynda Atyraý oblystyq ekologııa departamenti Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasymen jáne Jaıyq-Kaspıı basseıni ınspektsııasymen birlesip Jaıyq ózeniniń arnasyn, Atyraý qalasynyń joǵarǵy, tómengi jaq bólikterin, naqtyraq aıtsaq, temirjol kópirinen Erkinqala yqshamaýdanyna deıingi aralyqty sanktsııalanbaǵan qaldyq kózderin anyqtaý maqsatynda qarap shyqty. M.Meńdiqulov kópiri aýmaǵynda 5 sanktsııalanbaǵan qaldyq kózderi anyqtaldy. Synamalar qortyndylary hlorıdtiń ruqsat etilgen shekti mólsherden 1,1 ese asqanyn kórsetti. Osy derek boıynsha tıisti sharalar qabyldaý úshin Ekologııa departamenti múddeli memlekettik organdarǵa, sonyń ishinde Atyraý oblystyq Polıtsııa departamentine hat joldady. Jaıyq ózeniniń arnasyn tekserý kezinde flora men faýnam ókilderiniń ólimi anyqtalmady. Osy derek boıynsha jumystar jalǵasyp jatyr. Naýryz aıynan bastap kúnniń jylýyna baılanysty buryn ólgen balyqtar ózen betine qalqyp shyǵýda. Qazir ólgen balyqtardy jınaý jumystary júrýde.
Ótken jyldyń jeltoqsanynan bastap Jaıyqtan 114,1 tonna óli balyq jınaldy. Aıta ketý kerek, qyrylǵan balyqtardyń basym bóligi (102,862 tonna) jasandy túrde ósirilgen, ıaǵnı ózendegi bekire tuqymdas balyqtardyń tabıǵı popýlıatsııasyna qatysy joq. Jaıyqtaǵy balyq qorynyń tabıǵı popýlıatsııasyna jınalyp alynǵan jalpy salmaǵy 11,3 tonna chastık tuqymdas balyqtar jatady.
Qazir Atyraý oblystyq ákimdiginiń bastamasy boıynsha senbilik júrgizilip jatyr, oǵan eriktiler men qoǵamdyq uıymdar tartylǵan. Sondaı-aq ózen sýyn balyq ólekselerinen tazartý jumystary júrýde. Barlyq jınalǵan balyqtar saqtaý qoımasyna baǵyttalady, ol ákimdiktiń qatań baqylaýynda, sodan keıin belgilengen tártipte joıylady. Sonymen qatar, QR Energetıka mınıstrligi Atyraý oblystyq ákimdigimen birlesip turaqty túrde aımaqtyń ekologııalyq ahýalyn jaqsartý jónindegi keshendi jospardy daıyndaýda.
Jaǵdaıǵa memlekettik organdarmen birge «Nur Otan» partııasynyń oblystyq fılıaly, Atyraý oblystyq ákimdigi monıtorıng júrgizip otyr. «Nur Otan» partııasynyń fılıalymen qatar ishki ister organdarynyń qyzmetkerleri, QR Aýyl sharýashylyǵy mınıstrligi veterınarlyq qadaǵalaý komıteti qyzmetkerleri saýda oryndaryndaǵy balyq satatyn núktelerge kún saıyn tekserý jumystaryn júrgizedi. Jalpy alǵanda, aımaqtyń sanıtarlyq-epıdemıologııalyq jaǵdaıy, sý sapasy barlyq jaýapty memlekettik organdardyń aıryqsha baqylaýynda.
Atyraý oblystyq ákimdigi Jaıyq ózenine ǵylymı zertteý júrgizýge 80 mln teńge bóldi. Aıta keteıik, memleket basshysy «Nur Otan» partııasynyń XVIII sezinde «Halyqqa kómek» jobasy aıasynda turǵyndarmen keri baılanys ornatýdyń tıimdi júıesin qalyptastyrýdy tapsyrdy. Bul jumys «Nur Otan» partııasymen birlesip júrgiziledi. Aımaqtyq ákimdikterde «Halyqqa kómek» jobasy aıasynda turǵyndarmen ózara baılanystyń jańa formaty engizilgennen keıin turǵyndarda da, bılik organdarynda da máseleler jedel sheshiletin, óńirlerden túsken aqparattar obektıvti bolatyn tıimdi mehanızm paıda bolady.
