Jaıyq ózenine batqan er adam qutqaryldy
ATYRAÝ. QazAqparat – Atyraýda Jaıyqqa batqan er adam qutqaryldy, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetine súıensek, 10 shildede saǵat 18:05 shamasynda 56 jastaǵy er adam Jaıyq ózenine shomylýǵa barǵan.
«Departamenttiń jedel qutqarý jasaǵynyń qutqarýshylary Arman Sarsenbaev, Qýandyq Qartańbaev Qýandyq jáne Ernar Ánýarbekov kezekti reıd kezinde Jaıyq ózenine sýǵa batyp bara jatqan adamdy qutqaryp qaldy. Keıin anyqtalǵandaı, 56 jastaǵy azamat mas kúıinde ózenin keship ótpek bolǵan. Alaıda, ózenniń ortasyna deıin júzip, jaǵalaýyna jete almaı, sýǵa bata bastaǵan. Sol kezde aıǵaılap, kómek shaqyrǵan» -dep habarlady departamenttiń baspasóz qyzmeti.
Eske sala ketelik, budan buryn Atyraý oblysynda bir kúnde eki adam sýǵa ketkenin jazǵan bolatynbyz.
