Jaıyq ózeni tasıdy - 26 sáýirge arnalǵan aýa raıy boljamy
ASTANA. 25 sáýir. QazAqparat - 26 sáýirde Qazaqstannyń batysy men ońtústik-shyǵysynda antıtsıklonnyń yqpaly saqtalady. Osyǵan baılanysty kún raıy jaýyn-shashynsyz bolady dep kútilýde.
Respýblıkanyń qalǵan aýmaǵyndaatmosferalyq aǵymdardyń ótýine baılanysty azdaǵan jańbyr men burshaq jaýyp, jel kúsheıedi dep kútilýde.
Jambyl, Qyzylorda, Shyǵys Qazaqstan, kúndiz Qostanaı oblystarynyń jekelegen jerlerinde 15-20 m/s jyldamdyqpen jel soǵady.
Ońtústik Qazaqstan oblysynyń keı jerlerinde 15-20 m/s jyldamdyqpen jel soǵyp, kúndiz taýly aýdandarda burshaq jaýýy yqtımal.
Mańǵystaý oblysynyń keı jerlerinde naızaǵaı oınap, kúndiz jáne túnde tuman bolady dep kútilýde. Atyraý oblysynyń jekelegen jerlerinde qumdy daýyl turyp, 15-20 m/s jyldamdyqpen jel soǵady.
Aldaǵy ýaqytta respýblıkanyń ońtústik, ońtústik-shyǵys jáne batys aýmaqtaryndaǵy ózenderde sý deńgeıiniń aýytqýy baqalady. Jaıyq ózeninde sý tasıdy.
