Jaıyq-Kaspıı sý basseıninde baqylaý kúsheıtildi
Atyraý oblystyq Polıtsııa departamentiniń bastyǵy Nurhat Orazbaevtiń málimetinshe, qazir jumys jospary jasaqtalyp, mobıldi toptar avtojol, temirjol vokzalynda, bazarlar men ózge de oryndarda baqylaýdy kúsheıtip otyr.
«Jaıyq-Kaspıı basseıni aýmaǵynda «Bekire-2022» jedel-aldyn alý is-sharasynyń kúzgi kezeńi 10 qyrkúıekten 31 qazanǵa deıin jalǵasady. Іs-sharanyń maqsaty – balyq jáne balyq ónimderin zańsyz óndirý, tasymaldaý, satyp alý, ótkizý jáne satý faktilerin anyqtaý jáne boldyrmaý. Osyǵan baılanysty reıd kezinde turǵyndardan quqyq qorǵaý organdary qyzmetkerleriniń zańdy talaptaryna túsinistikpen qaraý suralady. Óıtkeni, zań bárimizge ortaq. Al memleket múlkin saqtaý – quqyq qorǵaý qyzmetkerleriniń mindeti», - deıdi Nurym Orazbaev.
Aıta keteıik, «Bekire-2022» kóktemgi is-sharasy 1 sáýir men 31 mamyr aralyǵynda ótkizildi. Quqyq qorǵaý organdarynyń birlesken reıdi kezinde 247 quqyq buzýshylyq anyqtalǵan. Onyń ishinde zańsyz balyq aýlaý jáne balyq aýlaý erejelerin buzýdyń – 225, balyq ónimderin zańsyz satyp alýdyń – 6, balyq ónimderin zańsyz tasymaldaý jáne áketýdiń 16 deregi tirkelgen.
Balyq qorǵaý zańnamasyn buzýshylardan 1 893 keli balyq, onyń ishinde 525 keli bekire tuqymdas balyq, 218 ártúrli balyq aýlaý, eki sý kólik quraly tárkilendi. Sondaı-aq ishki ister organynyń qyzmetkerleri quqyq buzýshylarǵa 3 mln 540 myń 795 teńge kóleminde aıyppul salǵan.
Eske salaıyq, budan buryn zańsyz balyq aýlaǵan atyraýlyqtarǵa 15 mln teńge aıyppul salynǵan bolatyn.
Foto: ytimg.com
