Jaıyq-Kaspıı basseıninde sýǵa batqan 15 kemeni kóterýdiń shyǵyndary anyqtaldy
ASTANA. QazAqparat - QR Qorǵanys mınıstrligi jáne respýblıkalyq memlekettik qazynalyq sý joldary kásiporyndary (Atyraý jáne Oral q.) usynǵan derekterge sáıkes, Jaıyq-Kaspıı basseıninde 20 koordınat boıynsha zertteý júrgizildi jáne 15 sýǵa batqan kemeni kóterý tásilderi men quny anyqtaldy.
Aıta keteıik, Kaspıı teńiziniń qazaqstandyq sektorynda jáne Jaıyq ózeninde keme qatynasynyń qaýipsizdigin qamtamasyz etý, sondaı-aq sý aıdyndarynyń ekojúıesin qorǵaý maqsatynda QR Úkimeti Jaıyq-Kaspıı basseınin sýǵa batqan kemelerden tazartý jónindegi is-sharalar josparyn bekitken edi.
«QR Investıtsııalar jáne damý mınıstrligi QR Energetıka mınıstrligine memlekettik ekologııalyq saraptama júrgizý úshin sýǵa batqan kemelerdi kóterý jónindegi jobalyq qujattamaǵa onyń qorshaǵan ortaǵa áserin baǵalaý jónindegi ilespe materıaldardy joldady. Osy sharalardy oryndaý qorshaǵan ortaǵa jáne halyqtyń densaýlyǵyna teris áserli saldaryn aıqyndaıdy jáne shekteıdi»,- dep atap ótilgen QR Investıtsııalar jáne damý mınıstrliginiń málimetinde.
