Jaıyq-Edil ózenderiniń ekojúıesin saqtaý halyqaralyq qoryn qurý máselesi talqylanýda
NUR-SULTAN. QazAqparat - Jaıyq-Edil ózenderiniń ekojúıesin saqtaý halyqaralyq qoryn qurý máselesi talqylanýda. Bul jaıynda Májilis depýtattarynyń saýalyna oraı QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.
«Jaıyq-Edil ózenderiniń ekojúıesin saqtaý halyqaralyq qoryn qurý máselesi Reseı Federatsııasynyń Tabıǵı resýrstar jáne ekologııa mınıstrliginiń ókilderimen talqylandy. Qordy qurý qarjy qarajatyn, sonymen qatar birlesip basqarý jáne baqylaý tetikterin ázirleýdi talap etetin bolǵandyqtan bul másele reseılik tarappen talqylanady», - dedi Asqar Mamın.
Úkimet basshysynyń atap ótýinshe, 2019 jyldyń qarashasynda Omby qalasynda Memleket basshylary deńgeıinde ótken Qazaqstan men Reseı óńiraralyq yntymaqtastyǵynyń XVI forýmynda Jaıyq-Edil ózenderi basseınin saýyqtyrýdyń birlesken baǵdarlamasyn ázirleý týraly ýaǵdalastyqqa qol jetkizilgen. Dál osy baǵdarlamany ázirleý aıasynda Jaıyq ózeniniń alqabyna erekshe qorǵalatyn tabıǵı aýmaq belgileý máselesi qarastyrylady jáne bul másele baǵdarlamanyń sharalar tizilimine qosylǵan.
