Jaısyz aýa raıy Tý-142 ushaǵyn izdestirýdi qıyndatýda
ASTANA. Qarashanyń 9-y. QazAqparat - Jaısyz aýa raıy Tý-142M3 ushaǵy qulaǵan aýdandaǵy izdeý-qutqarý operatsııasyn qıyndatyp otyr,
dep habarlaıdy «Vestı» telearnasy.
Atap aıtqanda, Tatar buǵazy boıynsha ótken tsıklon jeldiń jyldamdyǵyn 11 metr/sekýndqa jetkizip, teńizde úlken tolqyndar týǵyzyp otyr. Osyǵan baılanysty súńgýirler jumystary qıyndaýda.
Ekıpaj ben ushaq synyqtaryn izdestirýge avıatsııa kúshteri men Tynyq muhıty flotynyń kemeleri, sondaı-aq azamattyq kemeler jumyldyryldy. Búgin keshke qaraı apat aýmaǵyna bortynda tereńge súńgı alatyn arnaıy «Taıger» jáne «Obzor» qutqarý apparaty bar Tynyq muhıty flotynyń «Alagez» kemesi jetedi.
Esterińizge sala keteıik, Reseıdiń Tynyq muhıty flotyna qarasty Tý-142M3 ushaǵy qarashanyń 6-sy kúni jattyǵý kezinde radardan joǵalyp ketken bolatyn. Ushaq bortynda 11 adam bolǵan.
Ushaqtyń apatqa ushyraý fakti boıynsha RF Qylmystyq kodeksiniń 351-shi babyna sáıkes (ushý erejelerin nemese oǵan daıyndyq erejelerin buzý) qylmystyq is qozǵaldy. Osy oqıǵaǵa baılanysty Tynyq muhıty floty avıatsııasynyń ushý saparlary ýaqytsha toqtatyldy.
