Jaısyz aýa raıy saldarynan bes oblystaǵy joldar jabyldy

ASTANA. QazAqparat - Aýa raıynyń qolaısyzdyǵyna baılanysty óńirlerdegi birqatar joldar jabyldy, dep habarlaıdy «Qazaqavtojol» RMK-nyń baspasóz qyzmeti.

Búgin Aqmola oblysynda aýa raıynyń qolaısyzdyǵyna baılanysty (qar, burqasyn, kórinbeý) tómendegi joldarda barlyq avtokólik túrleriniń qozǵalysy shekteldi:

1. «Astana-Ereımentaý-Shiderti» 16-205 shaqyrymy, Astana qalasynan Pavlodar oblysynyń shekarasyna deıingi aralyq;

2. «Ekaterınbor-Almaty» 1 280 - 1 353 shaqyrymy, Astana qalasynan Qaraǵandy oblysynyń shekarasyna deıingi aralyq;

3. «Kókshetaý-Omby» 2-50 shaqyrymy, Kókshetaý qalasynan SQO shekarasyna deıingi aralyq;

4. «Astana-Petropavl» 304-341 shaqyrymy, Kókshetaý qalasynan SQO shekarasyna deıingi aralyq;

5. «Astana-Petropavl», 18-230 shaqyrymy, Astana qalasynan Şýchınsk qalasyna deıin.

Qaraǵandy oblysynda aýa raıynyń qolaısyzdyǵyna baılanysty (qar, burqasyn, kórinbeý) «Ekaterınbor-Almaty» avtojolynyń 1353-1424 shaqyrymynda Aqmola oblysynyń shekarasynan Temirtaý qalasyna deıingi aralyqta barlyq avtokólik túrleriniń qozǵalysy shekteldi.

Sondaı-aq, «Ekaterınbor-Almaty» avtojolynyń 1492-1854 shaqyrymy, Qaraǵandy qalasynan Balqash qalasyna deıingi aralyqta kóktaıǵaqqa baılanysty júk jáne qoǵamdyq avtokólik qozǵalysy shektelgen.

Pavlodar oblysynda Aqmola oblysynda aýa raıynyń qolaısyzdyǵyna baılanysty «Astana-Ereımentaý-Shiderti» avtojolynyń 205-259 shaqyrymy aralyǵy Aqmola oblysynyń shekarasynan Shiderti kentine deıingi aralyqta barlyq kólik qozǵalysyna tyıym salyndy.

Almaty oblysynda burqasyn jáne joldyń kórinbeýine baılanysty «Úsharal-Dostyq» jolynyń 83-184 shaqyrymy Kóktýma aýylynan Dostyq aýylyna deıingi aralyǵynda barlyq avtokólik túrleriniń qozǵalysy shekteldi.

SQO-da aýa raıynyń buzylýyna baılanysty (qar, burqasyn, kórinbeý) tómendegi joldarda barlyq avtokólik túrleriniń qozǵalysy shekteldi:
1. «Kókshetaý-Omby» jolynyń 50-280 shaqyrymy, Aqmola oblysynyń shekarasynan RF shekarasyna deıin;
2. «Astana-Petropavl», 341-473 shaqyrymy, Aqmola oblysynyń shekarasynan Petropavl qalasyna deıingi aralyqta.