«Jaısan» ótkizý pýnkti arqyly Reseıden veıpterdi zańsyz ákelý áreketi toqtatyldy

AQTÓBE. KAZINFORM – «Jaısan-avtomobıl» shekaralyq ótkizý pýnktinde Reseı Federatsııasynan kele jatqan eki júk kóligi ustaldy. 

QR Qarjylyq monıtorıng agenttiginiń málimetinshe, tekserý barysynda tyıym salynǵan ónimderdiń iri partııasy anyqtalǵan.

Atap aıtqanda:

13 myń elektrondyq tutyný júıesi (veıp);

2 myń dana veıpke arnalǵan suıyqtyq;

14 myń dana shylymsyz temeki ónimderi.

Foto: vıdeodan alynǵan skrın

Atalǵan fakti boıynsha eki azamatqa qatysty sot úkimi shyǵaryldy. Olar 6 aı merzimge bas bostandyǵynan aıyryldy.

Jalpy quny 26 mln teńge quraıtyn veıpter tasymaldanǵan kólik quraldary tárkilendi.

Sot úkimi zańdy kúshine engen joq.

Eske sala keteıik, buǵan deıin Pavlodar oblysynda quny 100 mln teńgeden asatyn zańsyz veıp satpaq bolǵan top ustaldy.