Jáıremdegi aýrýhanaǵa «Kaztsınk» kompanııasy ottegi kontsentratorlaryn jetkizdi
Elimizdiń iri taý-ken metallýrgııalyq kompanııasynyń biri «Kaztsınk» JShS koronavırýspen kúreste qoldaý kórsetýde. Aýrýhanalardaǵy COVID-19 naýqastardy emdeýge kómektesý úshin kompanııa 85 mln teńge bóldi. Bul qarajat Óskemen, Rıdder, Altaı qalalary men Jáırem kentiniń aýrýhanalaryna medıtsınalyq jabdyq satyp alýǵa jumsaldy.
«Joǵaryda atalǵan qalalar men kentterdiń aýrýhanalarynyń ınfektsııalyq bólimshelerine 120 ottegi kontsentratoryn jetkizildi. Onyń ishinde Jáırem kenti aýrýhanasynyń juqpaly aýrýlar bólimine árqaısysy 650 000 teńge turatyn 5 kontsentrator jetkizildi. Bul qurylǵylar COVID-19-dan asqynǵan jaǵdaıda, patsıent óz betinshe dem ala almaıtyn kezde ottegi terapııasyn júrgizý úshin qoldanylady. Medıtsınalyq ottegimen qosymsha jabdyqtaý aýrýmen kúresý múmkindigin arttyrady, regeneratsııanyń qarqyndy protsesine yqpal etedi, bul naýqasty aýrýhanada emdeý kezeńin qysqartady», - dep habarlady Qaraǵandy oblysy ákimdiginiń baspasóz qyzmeti.
Budan basqa aýrýhanaǵa: NPPS (Omnımed) zembil, ınfýzııa quıýǵa arnalǵan shtatıv ShR-01 (Omnımed), defıbrıllıator-monıtor DKI N-11 (183260), BeneFusion VP3 ınfýzııalyq sorǵy, kanıýlmen 2L ottekti ıngalıator, úlken eresek jınalmaly kólik dońǵalaqtarynyń jıyntyǵy Kshtsv-B-NN, Biopress neılon 50*14 stetoskop BL-ASM-1, reanımatsııalyq tynys alý qaby (eresek) apexmed, sanıtarlyq brezent zembilder, sorǵysh «elemena-N am1», Mastersept 5l (qorapta 3 kanıstra, barlyǵy 4 qorap), mastersept 5l (kanıstra) berildi.
