Jaına Shekerbekova bokstan Azııa chempıonatynyń fınalyna shyqty

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Jaına Shekerbekova fınalǵa shyqty, dep habarlaıdy QazAqparat tilshisi.

Azııa chempıony, álem birinshiliginiń qola júldegeri Jaına Shekerbekova 54 kelige deıingi salmaqta taıvandyq Hýan Sıao Venmen fınaldyń joldamasyn sarapqa saldy.

Jaınanyń qarsylasy boıy áldeqaıda uzyn, qolaısyzdaý boldy. Soǵan qaramastan, qazaqstandyq boksshy alǵa umtylyp, dál soqqy jasaı bildi. Muny tóreshiler ádil baǵalady – 5:0.

Osylaısha, Jaına Shekerbekova Qazaqstannan alǵashqy bolyp fınalǵa joldama aldy.

Budan keıin qazaqstandyqtardan 66 kelige deıingi salmaqta taǵy bir qazaqstandyq Mádına Nurshaeva rıngke shyǵady. Onyń qarsylasy – ońtústikkoreıalyq Choı Hon Gıýn.

Eske salaıyq, búgin Azııa chempıonatynda 9 qazaqstandyq boksshynyń jartylaı fınaldyq jekpe-jekteri ótetinin jazǵan bolatynbyz.

Nazym Qyzaıbaı Azııa chempıonatyn qola júldemen aıaqtady.

Foto: www.instagram.com/drs_kz