Jaına Shekerbekova Azııa chempıonatynyń jartylaı fınalyna ótti

ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda Jaına Shekerbekova jartylaı fınalǵa shyqty, dep habarlaıdy QazAqparat tilshisi.

Sporttyq jolynda álem birinshiliginde, Azııa oıyndary men chempıonatynda oza shaýyp, júlde alyp úlgergen Jaına Shekerbekova 54 kelige deıingi salmaqta japonııalyq Hana Narıtamen qolǵap túıistirdi. Birden tizgindi qolǵa alǵan Jaına úsh raýnd boıy qarsylasyna des bergen joq. Buǵan tóreshiler de kelisti – 5:0.

Osy birinshilikte qazaqstandyq úsh boksshy Mádına Nurshaeva (66 kg), Gúlsaıa Erjan (81 kg) jáne Lázzat Kúngeıbaeva (+81 kg) týrnırdi jartylaı fınaldan bastaıdy. Bul – olar keminde qola júldege qol sozady degen sóz. Búgin solardyń qataryna bastapqy kezdesýin sátti ótkizgen Jazıra Oraqbaeva men Jaına Shekerbekova qosyldy.

Eske sala keteıik, budan buryn Nazym Qyzaıbaıdyń Azııa chempıonatynyń ¼ fınalyna ótkenin jazǵan bolatynbyz.

Sondaı-aq, Azııa chempıonatynda qazaqstandyq úsh boksshynyń rıngke shyǵatyny habarlandy.

Dýlat Bekbaýov shırek fınalǵa joldama aldy. Aslanbek Shymbergenov qarsylasyn nokaýtpen jeńdi. 19 jastaǵy Sanjar Táshkenbaı ózbekstandyq boksshyny utty.

Sondaı-aq, Azııa chempıonatynda qazaqstandyq 6 boksshynyń rıngke shyǵatyny habarlandy.

Jazıra Oraqbaeva jartylaı fınalǵa joldama aldy.

Sýret 365info.kz saıtynan alyndy