Jaıly uıyqtaý úshin qandaı jastyq tańdaǵan durys?
ASTANA. QazAqparat - Jaqsy tynyǵý úshin omyrtqalaryńyz qısaımaı, túzý jatý kerek. Árıne, árkim árqalaı jatqandy unatady jáne ártúrli qalyńdyqtaǵy kórpe jamylady, sondaı-aq ártúrli jastyqty tańdaıdy. Al durysynda qandaı jastyq tańdaǵan jón? Uıqyńyz jaıly bolýy úshin tómendegi keńesterge qulaq túrińiz, dep jazady anabol.kz.
1. Jastyǵyńyz asa jumsaq emes, ortasha bolýy kerek. Qaýyrsyny tym kóp jastyqtar jaısyz. Tegis nemese ortopedııalyq jastyqty tańdasańyz ókinbeısiz.
2. Sıntetıkalyq jastyqtardy jıi jýýǵa bolady. Al, tabıǵı jastyqtar jylyna 2-3 ret qana jýylady. Eger allergııańyz bolsa, sıntetıkalyq jastyqty tańdańyz.
3. Jastyqty basyńyzǵa ǵana emes, moınyńyzǵa da salý kerek.
4. Domalaq nemese uzynsha jastyqtardan góri tórtburyshty pishindi jastyq áldeqaıda yńǵaıly.
5. Jastyqsyz uıyqtaýǵa bolmaıdy. Bulaı isteseńiz, omyrtqa men moıyn bulshyq etteri qysylyp qalady.
