Jaıly páter alý úshin qansha jyl ómir súrý kerek?
ASTANA. 21 sáýir. QazAqparat - Sarapshylar álemniń 63 eline zertteý júrgizip, memleket astanasynan jaıly páter alý úshin adamǵa qansha ýaqyt eńbek etý kerektigin eseptep shyǵarypty. Bul jaıynda «Almaty aqshamy» gazeti jazyp otyr.
Máselen, jaqsy aýdanda ornalasqan kólemi 100 sharshy metrdi quraıtyn páterdi alaıyq. Bul turǵydan kelgende, Máskeý álemdegi qymbat qalalardyń aldyna shyqqan. Qarapaıym úndiske Mýmbaıdan jaıly páter alý úshin 308 jyl, al ortasha tabysy bar shanhaılyq turǵynǵa 233 jyl, máskeýlikke 144 jyl jumys isteýi kerek eken. Al, Nıý-Iork turǵyny úshin 48 jyl qajet.
«Ázirge almatylyq qarapaıym turǵynnyń qansha jyl ómir súrýi kerek ekenin eseptep shyǵarǵandar joq», - dep jazady basylym.
