«Jaıly mektepterdiń» dırektorlaryn qurylys bastalǵan kezde taǵaıyndap qoıamyz - mınıstr
«Mektep ómirinde dırektordyń róli de erekshe ekeni barshaǵa málim. Sondyqtan biz mektep qurylysy bastalysymen mektep dırektoryn taǵaıyndaýdy qarastyryp otyrmyz.
Ol qurylys barysyn baqylap, bas-kóz bolyp, aldyn ala pedagogterdi jınaqtap, menedjment jáne kóshbasshylyq boıynsha arnaıy kýrstardan ótedi.
Osy sharalardyń barlyǵy jańa mektepterdi jaqsy pedagogtermen qamtamasyz etýge jáne bilim sapasyn arttyrýdy qamtamasyz etetin tásilderdi paıdalanýǵa múmkindik beredi», - dedi mınıstr.
Sondaı-aq, ol atalǵan jobaǵa bólingen qarajattyń ıgerilýi qalaı baqylanatynyn túsindirdi.
«Taǵy bir erekshelik – qurylys kezinde ashyqtyq qamtamasyz etiledi. Elimizdiń kez kelgen azamaty ınteraktıvti karta arqyly qurylystyń barysymen jáne IP-kamera arqyly onlaın rejımde baqylap, mekteptiń tıisti qujattarymen tanysa alady», - dedi Ashat Aımaǵambetov.